Թուրքիայի դեսպանը և Ադրբեջանում Թուրքիայի ռազմական կցորդն այցելել են Արցախում տեղակայված ռուս-թուրքական համատեղ մոնիտորինգի կենտրոն։

Ադրբեջանում Թուրքիայի արտակարգ և լիազոր դեսպան Ջահիտ Բաղջին, ինչպես նաև դեսպանության ռազմական կցորդ, բրիգադի գեներալ Զաքարիա Յալչընը այցելել են 44-օրյա պատերազմի հետևանքով Բաքվի վերահսկողության տակ գտնվող Արցախի տարածքում տեղակայված ռուս-թուրքական համատեղ մոնիտորինգի կենտրոն։ Այս մասին դեսպանը գրել է Twitter-ում։ Կենտրոնի գործունեությունը ներկայացվել է թուրք պաշտոնյաներին։ Ադրբեջանական կողմին անցած Լեռնային Ղարաբաղի տարածքում ռուս-թուրքական համատեղ կենտրոնի գործունեությունը սկսվել է 2021 թվականի հունվարի 30-ին։