Մակրոնը Լիբանանին և Իսրայելին հրավիրել է ուղիղ բանակցություններ վարել Փարիզում

Ֆրանսիան պատրաստ է հարթակ տրամադրել Իսրայելի և Լիբանանի միջև բանակցությունների համար, հայտարարել է Ֆրանսիայի նախագահ Էմանուել Մակրոնը։ «Ֆրանսիան պատրաստ է նպաստել այդ բանակցություններին՝ հյուրընկալելով դրանք Փարիզում», - գրել է նա շաբաթ օրը X սոցիալական ցանցում։ Ֆրանսիայի նախագահը հիշեցրել է, որ Լիբանանի գործադիր իշխանությունը պատրաստակամություն է հայտնել ուղիղ բանակցություններ վարել Իսրայելի հետ։ «Իսրայելը պետք է օգտվի այս հնարավորությունից՝ սկսելու բանակցությունները և զինադադարը, կայուն լուծման հասնելու և Լիբանանի իշխանություններին հնարավորություն ընձեռելու կատարել իրենց պարտավորությունները՝ ի նպաստ լիբանանյան ինքնիշխանության», - ասել է Մակրոնը։ Նա ասել է, որ «Հեզբոլլահը պետք է անհապաղ դադարեցնի իր վտանգավոր էսկալացիան»: «Իսրայելը պետք է հրաժարվի լայնածավալ հարձակումից և դադարեցնի զանգվածային հարձակումները, մինչդեռ հարյուր հազարավոր մարդիկ արդեն փախել են ռմբակոծությունից»,- համոզված է պետության ղեկավարը։ «Ամեն ինչ պետք է անել, որպեսզի Լիբանանը չընկղմվի քաոսի մեջ»,- ընդգծել է Ֆրանսիայի նախագահը։ Մինչդեռ, Լիբանանի նախագահ Ժոզեֆ Աունը ուրբաթ օրը ասել է, որ Լիբանանը պատասխան չի ստացել Իսրայելից մարտերը դադարեցնելու ուղղակի բանակցությունների առաջարկին: