ԳԼԵՆԴԵԼ, ԿԱԼԻՖՈՐՆԻԱ - 25 նոյեմբերի, 2025 թ Գլենդելում այսօր խաղաղ բողոքի ցույց է տեղի ունեցել ընդդեմ պուտինյան ռեժիմի և Ուկրաինայի դեմ շարունակվող պատերազմի։ Ակցիային մասնակցել են հայկական, ուկրաինական և այլ համայնքների ներկայացուցիչներ, հակապատերազմական ակտիվիստներ։ Ակցիայի մասնակիցները հավաքվել են քաղաքի կենտրոնում՝ ձեռքներին խաղաղության կոչերով պաստառներ և պաստառներ և մակագրություններ՝ «Ոչ պատերազմին», «Պուտինը մարդասպան է», «Ազատություն Ուկրաինային», «Դադարեցրե՛ք ագրեսիան»։ Հանրահավաքի ընթացքում մասնակիցները հանդես են եկել բողոքի ելույթներով, որտեղ դատապարտել են անիմաստ ռազմական գործողությունները, քաղաքացիական բնակչության ռմբակոծությունները և քաղաքական բռնաճնշումները Ռուսաստանում։ Ակցիայի կազմակերպիչների ճնշող մեծամասնությունը տարբեր ազգությունների մարդիկ էին, ովքեր տեղափոխվել էին ԱՄՆ՝ խուսափելու ռուսական ռեպրեսիաներից։ Մասնակիցների խոսքով՝ Ռուսաստանում բավական է միայն մեկ անգամ ասել, որ դեմ ես պատերազմին, որպեսզի անմիջապես հայտնվես իրավապահ մարմինների տեսադաշտում՝ բոլորի նկատմամբ քրեական գործեր են հարուցվում։ Ռուսաստանում ապրող այլ ազգությունների ներկայացուցիչներն ամենախոցելին են, քանի որ նրանց նկատմամբ նույնպես խտրական վերաբերմունք է դրսևորվում, և նրանք առաջինն են, ում հարկադրում են ներկայանալ զինկոմիսարիատներ և ուղարկել պատերազմ։ Ցուցարարների խոսքով՝ իրենց նպատակն է ոչ միայն համերաշխություն հայտնել Ուկրաինայի ժողովրդին, այլ նաև ուշադրություն հրավիրել այն քաղաքացիների վիճակին, ովքեր ստիպված են եղել լքել Ռուսաստանը, քանի որ նրանք ենթարկվել են դաժան ճնշման և հալածանքների՝ ակտիվ հակապատերազմական ցույցերին մասնակցելու և իրենց քաղաքական դիրքորոշման պատճառով, ինչպես նաև ուշադրություն հրավիրել մարդու իրավունքների վրա, որոնք անխնա ոտնահարվում են։ Կազմակերպիչներն ասացին, որ նման համայնքային նախաձեռնությունները կարևոր են այս ողբերգության վրա միջազգային ուշադրություն հրավիրելու և պատերազմից տուժած մարդկանց հետ համերաշխություն հայտնելու համար:

25.10.2025

Երեկ Քրեական Ոստիկանության Գլխավոր վարչության ծառայողները խուզարկություն են իրականացրել ԱՄՆ-ում բնակվող ընդդիմադիր բլոգեր և հասարակական գործիչ Հեղինե Ասիրյանի՝ Երևանյան հասցեում։ Չնայած հայտնի էր, որ Ասիրյանը գտնվում է Միացյալ Նահանգներում և չի բնակվում տվյալ հասցեում, իրավապահներ այդուհանդերձ խուզարկել են բնակարանը, որտեղ ներկայում բնակվում է բլոգերի մայրը։

Գործողությունը անսպասելիորեն իրականացվել է լրատվամիջոցների ներգրավմամբ, որը մի շարք հարցեր է առաջ բերել՝ կապված նպատակների հետ։ Արդեն իսկ շատ ընդդիմադիր գործիչներ այս գործողությունը որակել են «քաղաքական շոու»։ Քաղաքացիական հասարակության ներկայացուցիչների կարծիքով՝ նման հրապարակային գործողությունները կարող են արդարացիորեն ընկալվել ոչ միայն որպես իրավական գործողություն, այլև որպես ցուցադրկան գործողություն կամ բացահայտ սպառնալիք, քաղաքական ճնում՝ ուղղված իշխանությունների դեմ արտահայտվող անձանց։

Հեղինե Ասիրյանը վերջին տարիներին հայտնի է դարձել իր ընդդիմադիր քաղաքական հրապարակումներով, համարձակ մեկնաբանություններով։ Նա սոցիալական ցանցերում պարբերաբար քննադատել է Հայաստանի իշխանությունների քաղաքականությունը, աջակցել ընդդիմադիր նախաձեռնություններին, հրապարակայնորեն հանդես եկել Հայ Առաքելական Եկեղեցու պաշտպանության օգտին և կազմակերպել խաղաղ բողոքի ակցիաներ սփյուռքում։

Իրավապաշտպանները տահոգված են , որ նման գործողությունները վտանգավոր նախադեպ կստեղծեն խոսքի ազատության սահմանափակումների համար, ինչպես նաև վախի մթնոլորտ ստեղծել մյուս լրագրողների, բլոգերների, ակտիվիստների և ընդդիմադիր գործիչների շրջանում։

Առայժմ իրավապահ մարմինները չեն մանրամասնում, թե ինչով էր պայմանավորված խուզարկությունը, ինչ հիմքեր կային նման գործողությունների համար և ինչ իրավական հետևանքներ կունենա Հեղինե Ասիրյանի համար։

հեղինակ ՝ Վահե Իսայան