ՀՀ փաստաբանների պալատի մի խումբ փաստաբանների նախաձեռնող խմբը 2024 թվականի դեկտեմբերի 4-ին հանցագործության մասին հաղորդում է ներկայացրել Գլխավոր դատախազություն, որը վերաբերում է Ֆինանսների նախարար Վահե Հովհաննիսյանի կողմից կատարված ֆինանսական չարաշահումներին, յուրացումներին , որոնք ակնհայտ կոռուպցիոն ռիսկեր են պարունակում։ Փաստաբանները Գլխավոր դատախազին ներկայացրել են ծանրակշիռ փաստարկումներ, որպեսզի՝ անհապաղ քրեքկան վարույթ նախաձեռնվի և ըստ փաստաբանների արարքին տրվի պատշաճ քրեաիրավական գնահատական: Նախաձեռնող խմբի ղեկավար , փաստաբան, փաստաբանների պալատի նախկին նախագահ Արա Զոհրաբյանի և ՀՀ Ֆինանսների նախարարության իրավաբանական վարչության գլխավոր մասնագետ Գոհար Մկրտչյանի հետ զրույցի ընթացում պարզեցինք որոշ մանրամասներ սկանդալային գործի hետ կապված։ Պարզվում է նախարարը 1 մլն դոլար փոխառություն է ունեցել, իսկ որոշ ժամանակ անց հրաշքով անհետացել է պաշտոնական հայտարարագրման հաշվետվությունից։
Ում հաշվին և ինչպես է նախարարն այն մարել, պարզ չէ և հենց այս ու այլ նմանատիպ հարցերի պատասխաններն են ակնկալում փաստաբանները ստանալ Դատախազությունից։ Պարզվում է ՝ դեռևս 2021թ. Նախարաը ստացել է հիշատակված մոտ 1.000.000 ԱՄՆ դոլար անտոկոս փոխառությունը։ Այնուհետև Վահե Հովհաննիսյանը 1.050.000 ԱՄՆ դոլար գնով գնել է «Կարիտաս Իտալիանա» ՓԲ ընկերության 100% բաժնետոմսերը, իսկ հետագայում այդ կազմակերպությունը վերակազմավորել է «ՋԻ Կոդեր» ՍՊ ընկերության, իր բաժնեմասերը վաճառել է ազգականին: 2023թ. այդ նույն «Ջի Կոդեր» ՍՊԸ-ին ՀՀ կառավարությունը տրամադրել է 1,8 մլրդ դրամի ապրանքների ներմուծման մաքսատուրքի արտոնություն, որի ազատված մաքսատուրքը կազմել է 118 մլն. դրամ։ 2023թ. դրությամբ Վահե Հովհաննիսյանը «Ջի Կոդեր» ՍՊԸ-ի նկատմամբ ունեցել է 52.614.000 ՀՀ դրամի փոխառության պահանջի իրավունք։ «Բայց նախարարին պատկանող սեփականության շուրջ մութ գործերը սրանով չեն սահմանափակվում»,- նկատում է Գոհար Մկրտչյանը։ Իրավաբանի տվյալներով , ՀՀ ֆինանսների նախարար Վահե Հովհաննիսյանն իրեն պատկանող հյուրատունը վարձակալության է տրամադրել «Վարդենի» ՍՊ ընկերությանը, որին առանց մրցույթի մեկ միլիոն դրամից ավել գնով վճարվել է ֆինանսների նախարարության աշխատակիցների համար խաղ-վարժանքների կազմակերպման և անցկացման նպատակով:
Նախորդ երեք տարիների համար ներկայացված հայտարարագրերի համադրությունից իրավաբանները բացահայտել են էական անհամապատասխանություններ, մասնավորապես անհետացած պարտքերն ու հայտարարագրված եկամտի չափը անհամեմատ գերազանցող բանկային վերջնական մնացորդներով, ընդ որում չնշելով որևէ այլ օրինական ֆինանսական հոսքի աղբյուր։ Հարցին արդյոք Գոհար Մկրտչյանը չի վախենում նախարարի ու կառավարության կողմից հետապնդումներից, հաշվի առնելով, որ նրա շնորհիվ է չարաշահումների փաստերը հասանելի դաձել փաստաբանական հանրույթին, հենց նա է մեծ հաշվով եղել այս կոռուպցիոն գործարքների հիմնական բացահայտողը, նա պատասխանեց հակիճ ու դիպուկ. « Լռությունն ու հարմարվողականությունը հենց այն չարիքներն են , որոնք մեր երկիրը տանում են կործանման, եթե մենք ուզում ենք առաջ շարժվել, պետք է պայքարենք»։
Նախաձեռնող խմբի ներկայացուցիչ փաստաբան Արա Զոհրաբյանը նաև ՀՀ կառավարությանը հարցում է կատարել ճշտելու համար՝ արդյոք «Ջի-Կոդեր» ՍՊԸ-ի հետ Վահե Հովհաննիսյանի շահագրգռվածության վերաբերյալ տեղեկությունները հայտնի եղել են ՀՀ կառավարության 09.11.2023թ. N 1942-Ա որոշման ընդունման ժամանակ, թե՝ ոչ:
